الزواج عبر الانترنت

مواقع الزواج عبر الانترنت

قرأت هذه الرساله في احد المنتديات النسائيه

وصاحبة الرساله هي ضحيه من ضحايا

طالبي الزواج في الانترنت انقلها هنا لكي تقرأوها

وتبدون اراءكم حولها

------------------------------------------
تقول صاحبة الرساله:

يابنات الله يرضى عليكم دنيا وآخره ابتعدوا عن الزواج عبر الانترنت والله انه دمار وكله كذب وخداع اقسم بالله اني انا ضحية من ضحايا الزواج عبر الانترنت اقسم بالله العلي العظيم والله على ما اقوله شهيد تعرفت على واحد من موقع زوجتي هو كان حاب ان يكون بينا تعارف بغرض الزواج لان المواصفات اللي فيني نفس مواصفات اللي هو يباها فطرش لي رساله عبر موقع زوجتي فانا لما استلمت الرساله وتبين من الاسم والقبيلة انه من عائله محترمه قمت وقرات ملفه الشخصي قبل لا نتخطى خطوه التعارف وكتب في ملفه انه انه يدرس دكتوراه في بريطانيا وقال انه مايفرق بين الغني والفقير وان يبى البنت تخاف ربها وصادقه وصريحه لابعد الحدود وان تكون من عائله تخاف ربها وانه تكون بحنان الام وتكون امه وابوه وزوجه وصديقة المهم وكلام كثير وختم كلامه انه مجرد يحصل البنت اللي بها المواصفات اعاهد نفسي وجدام رب العالمين اني احافظ عليها للموت والله على ما اقوله شهيد

المهم يابنات يوم قريت ملفه عجبني كلامه وقلت يالله شكله ولد حلال مع انه وايدين راسلوني بس كل واحد يتشرط ويستهبل حسيت انهم يلعبون بس هذاك لا كلامه كان طيب فتوكلت وقمنا نيلس ويا بعض عالمسنجر وكله كان ينصحني ويرشدني ويقول حكم ومواعظ قلت الحمدلله شكله صدق ولد حلال عقب فتره قال لي انا بسير العمره وكان فرمضان طلبت منه ان يدعي ان ربي يوفقنا ويسر لي اللي فيله الخير يوم رد من العمره على فكره هو في بريطانيا وانا فالامارات يلس عالمسنج وحكى لي عن العمره والمهم تبادلنا الرقام وقمنا نتعرف على بعض اكثر فقالي يفلانه انا سرت العمره ودعيت ربي يوفقنا المهم انا انسان ماحب اللف المهم انا صدق حبيتج واختبرتج ولقيتج بنت محترمه فانا اباج اتكونين زوجه لي على سنه الله ورسوله واعاهدج جدام المولى اني بحافظ عليج واني ماتزوج عليج ولا اطلقج وعد

والله اني مت من الفرحه ماصدقت الكلام استانست وفرحت واااااااااايد قلت الحمد الله الله يسر لي ولد حلال وكل ما ادق له تيلفون يقول لي سكري وهو يتصل و يكلمني 3 ساعات مع انه مكالمه وانا كنت اقول له لا تطول فالمكالمات والله اني كنت ماحب اخسره حبيته وحبيت طيبته وسوالفه وكلامه ووعوده الجذابه حسبيا الله ونعم الوكيل...

في فتره من الفترات اتصل تيلفون وقال لي ان قسم الضرايب البريطانيه متصلة فيه وعليه ضريبه بقيمه مليون درهم وسحبو عنه الجواز الاماراتي

انا انصدمت وعلى فكره هو قال لي انه من عائله غنيه لكن هو بعده ماستلم الورث وانه يبي ياخذ ورثه عسب يسدد دينه وقال لي ان عمه هو اللي سواله هالمكيدة لانه مايحبه فقال لازم انه يكون متواجد فالامارات بس كيف بيسير وماعنده الجواز المهم قال ان انا عندي معرف واهل ومن بين فتره وفتره يقول لي كم جمع المهم وفر 900000 درهم هذا حسب مايقول وقال لي تم لي 100000 درهم

المهم قال لي شو ريج اتساعديني

عاد انا انصدمت خاصة اني من شهرين بس اتوضفت
فطبعا فالبداية رفضت ومنعت وقلت ماقدر اخذ قرض من ورا اهلي المهم قعد يترجى ويصيح وقال لي انا يتيم وانا باخذ ورثي جريب وانا تم لي بس هالمبلغ ساعديني المهم رفضت واتضااااااااايقت موت لانه وايد يذل عمره وانا صدق ماقدروقلت له اني لا شفتك ولا اعرفك وايد

اووووووووووووف وياريتني ماقلت زعل وقال لي بسكر التيلفون المهم اتصلت له عقب قال لي اتوقعت فعز ضيقي توقفين وياي انت انانيه انا سرت العمره واخاف ربي انت تقولين بخشج انا عاهدتج بالزواج جدام رب العالمين اني باخذج ورحمة امي وابوي اني باخذج ولا بتخلى عنج

المهم سكت وقلت له بفكر عقب اسبوع قال لي انه حصل 40000 وتم له 60000 مع هذا رفضت عقب فتره قال لي انه باع سيارته وتم له 30000 وحاول يقنعني اني اساعده بعد كنت متردده شوي تم يذل عمره ويحلف ان مجرد يوصلن البيزات ويستلم الجواز بيسلم لي البيزات بس اعطيه مهله اسبوع ويردهم لي رفضت قال لي خلاص 20000 وانا بدبر 10000 وكان مايتصل لي كثير يقول انه ماديته تعبانه وانه مو محصل بيزات ياكله..

قلت فخاطري حرام خلاص مدام بيردهم لي خلاص اتوكل على الله قمت ورحت البنك وسويت اجراءات القرض وطرش لي عنوان ثاني وطرشت البيزات يعني مو باسمه قال اسم ربيعي لان ماعندي رصيد فالبنك خلاص مفلس كان يتصل يقول ليش ما وصلن قلت له يباله اسبوع وبيوصل

الطامه يوم حصل البيزات اتصل اللي قال لي الف شكر لج انت وايد طيبه وان شاءلله بردهم لج خلال اسبوع وقال انه ساير الحينه يدفع البيزات ورا باجر بيكون فالامارات قال انتظري اتصالي اول ما اوصل بطلع لي رقم وبكلمج وانا ماعندي اي عنوان له فالامارات والله استانست ودعيت ربي يوفقني وكان هو ميت من الفرحه انه حصل البيزات وراد الامارت..

انتظرت انتظرت اتصاله محد اتصل قمت اتصلت على رقم موبايله والطامه مقطوع اتصلت البيت مقطوع انتظرت قلت اكيد في شي يمكن سوى حادث يمكن هو قطهه انتظرت شهر كامل وماشي لا خير ولا شر عرفت انه جذاب ومخادع ونذل بس صدقوني مابيستانس والله بياخذ حقي منه يارب لانه ظلمني بس وين بيسير من ربي
حسبيا الله ونعم الوكيل ادعولي بنات الله يفرج همي قولوا آميييييييييييين

والله يابنات اني اكتب لكم وانا ميته صياح مو مصدقه وين الوعود وين الحلفان وين الوفا والاخلاص شو مايخفون من ربهم مايخافون من عذاب ربي حسبيا الله ونعم الوكيل
حسبيا الله ونعم الوكيل خذو من تجربتي يا خواتي عبره ولا يخدعونكم الذئاب البشريه والله يخليكم كل اللي تقرا رسالتي تدعيلي الله يفرج همي الله يخليكم
كان نتيجة الزواج عبر الانتر نت ديون وانا في بداية مشواري آآآآآآآآآآآآآآآه يارب يسر

تسلم يا الغالي ع الموضوووووع

بس انا مو مع الي يتزوجون ع الانتر نك ماكيون بيناتهم حب كله جذب

تسلم حبوب على ها الموضوع المهم ..
بس والله انا مو مصدق انه في حد يتزوج عبر الانترنت ..
لا تفهمني غلط حبوب ..

اشكركم ع الردود الجميله

.
.
.
.
.

مشكور أخوي ع الموضوع المفيد

بصراحه من وجة نظري ماشجع الزواج من النت

لانه شونهاااااية هالزواااج غير الشك والمشاكل الي دور بينهم

ونهايته الطلاق وللاسف الضحيه منو غير الاطفال

والسموحه ع الاطاله هااي مجرد وجهة نظر

ويعطيك العافيه^_*

اللهم افرج همها وحقق مبتغاها بالخير والرضى والبركات

للهم افرج همها وهم المهمومين من أمة محمد أجمعين
اللهم امين
هذي نهاية المؤسفه للزواج عبر النت ..!
مشروع الزواج عبر النت وبرأي الخاص مشروع فاشل
لانه من بدايته غلط فغلط كيف البنت تطلب مثل هاا لطلب من النت
صحيح مب غلط الزواج وهذا نص الدين بس مب بها الطريقه شو نقول بس
لاحول ولا قوه الا بالله لهالدرجه صارو بعض الشباب مايخافون ربهم !!
والله اني مقهوره لحال ها المسكينه وحال امتنا بس شو نقول ....
يعطيك العافيه سفير الهم ع الطرح

مشكور اخوى على الموضوع المفيد